Kryetari i LDK-së, Lumir Abdixhiku, ka qëndruar të premten në Suharekë, përcjell InLajmi.
Ai tha se ky vend po bëhet qytet i futbollit, dhe se pas sukseseve mbresëlënëse ndërkombëtare të FC Ballkanit edhe një ekip tjetër po merr formë.
Ai ka cekur edhe FC Suharekën e cila u shpall kampion në Ligën e Parë.
Vetëm falë njerëzve dashamirë të tillë, sporti merr formë, tha Abdixhiku.
Ndërtimi i infrastrukturës sportive , në veçanti i stadiumeve të futbollit, mbetet prioritet i “Rrugës së Re”, shtoi ai.
Postimi i plotë i tij:
Suhareka, po bëhet qytet i futbollit. Pas sukseseve mbresëlënëse ndërkombëtare të FC Ballkanit, edhe një ekip tjetër i themeluar vetëm një vit më parë po merr formë. FC Suhareka këtë vit është shpallur kampion në Ligën e Parë dhe kështu nga viti i ardhshëm do të luaj në Superligë.
Vizitova sot të dy klubet. Takova Presidentët e klubeve, z. Rrustem Aliaj të FC Suharekës, të cilit i urova për suksesin e shpejtë; dhe Presidentin Arsim Kabashi të FC Ballkanit të cilin e përgëzova për kontributin e madh në futboll. Vetëm falë njerëzve dashamirë të tillë, sporti merr formë!
Ndërtimi i infrastrukturës sportive , në veçanti i stadiumeve të futbollit, mbetet prioritet i “Rrugës së Re”. Përveç Stadiumit Kombëtar të ri në Prishtinë, ne kemi parë dhe ndërtimin e plot 5 stadiumeve rajonale, si parakusht i ngritjes sportive kombëtare!/InLajmi/
