Policia e Kosovës bëri të ditur se të mërkurën rreth orës 09:00 ka ndodhur një aksident trafiku në udhëkryqin afër konvikteve në Prishtinë, ku si pasojë 6 persona kanë pësuar lëndime, përcjell InLajmi.
Lajmin për InLajmin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Ahmeti tha se sot rreth orës 09:00 kemi pranuar informatën se në udhëkryqin afër konvikteve në Prishtinë , ka ndodhur një aksident trafiku.
Në këtë aksident kanë qenë të përfshira, 2 automjete të cilat kanë qenë në lëvizje, tha Ahmeti.
Zëdhënësja për rajonin e Prishtinës tha tutje se si pasojë e aksidentit lëndime trupore kanë pësuar 6 persona.
Me rastin po merret hetuesia nga njësiti i trafikut rrugor./InLajmi/
