Pas një sëmundje të rëndë ka ndërruar jetë veterani i UÇK-së dhe infermieri, Skender Hoti, përcjell InLajmi.
Këtë e ka bërë të ditur kryetari i Komunës së Rahovecit, Smajl Latifi.
Kontributi i Skenderit në luftën për liri, por edhe pas luftës në fushën e shëndetësisë si infermier në Qendrën e Mjekësisë Familjare në Ratkoc, është shumë i madh dhe asnjëherë nuk do të harrohet, tha Latifi.
Të qoftë i lehtë dheu i kësaj toke, përfundoi ai.
Postimi i plotë i tij:
Pas një sëmundjeje të rëndë, u nda nga jeta veterani i UÇK-së, Skender Sokol Hoti, nga fshati Ratkoc.
Kontributi i Skenderit në luftën për liri, por edhe pas luftës në fushën e shëndetësisë si infermier në Qendrën e Mjekësisë Familjare në Ratkoc, është shumë i madh dhe asnjëherë nuk do të harrohet.
Me këtë rast, u shpreh ngushëllimet më të sinqerta familjes së ngushtë të Skenderit, vëllezërve të tij, farefisit, miqve, kolegëve nga QKMF-ja në Rahovec dhe të gjithë bashkëluftëtarëve!
Mbahuni të fortë!
Pushofsh në paqe, Skender!
Të qoftë i lehtë dheu i kësaj toke!/InLajmi/
