Të enjten zyrtarisht fillon ‘beteja’ mes Trepçës dhe Golden Eagle Yllit për titullin kampion.
Skuadra që shënon 3 fitore do të shpallet kampione. Ndeshja e parë zhvillohet në Mitrovicë, derisa mund të zhvillohen deri në 5 sfida.
Mitrovicasit përfunduan edicionin e rregullt në vendin e parë me 25 fitore e 3 humbje, kurse therandasit në vendin e tretë me 19 fitore e 9-të humbje. Nga 3 humbjet ‘Xehetarët’, 2 kanë ardhur nga therandasit në garat e rregullta.
Këto 2 skuadra ishin takuar në finale të Ligës Unike, që përfundoi me fitoren e mitrovicasve në një sfidë dramatike 66:67.
Trepça ka fituar Kupën dhe Superkupën dhe është në kërkim të trofeut të 4-rt për këtë edicion.
Në anën tjetër, therandasit duan ta rikthejnë titullin në qytetin e tyre dhe ta fitojnë atë për herë të 3-të në histori, shkruan Gazeta Express.
Orari i Finaleve
9 Maj
19:00 Trepça – Golden Eagle Ylli
12 Maj
19:00 Golden Eagle Ylli – Trepça
16 Maj
19:00 Trepça – Golden Eagle Ylli
19 Maj
19:00 Golden Eagle Ylli – Trepça (e mundshme)
23 Maj
19:00 Trepça – Golden Eagle Ylli (e mundshme)
