Shkruan : Blerim Valla
Këtë përurim të shtatores e begatuan me paraqitjet e tyre skenike edhe shumë yje të njohura të muzikës shqiptare si Kastriot Tusha, Shkurte Fejza, ilir Shaqiri, Selami Kolonja, Enkelejda Arifi, Nikollë Nikëprelaj etj.
Në qendër te Gjakovës, te parku i madh i qytetit në organizim të komunës së Gjakovës, monumenti i financuar nga Komuna e Gjakovës dhe bashkatdhetari nga Gjakova që jeton e punon në Zvicrrës, Gjergj Prenkoça , në mënyrë festive u zbulua shtatorja e kryeheroit tonë Gjergj Kastriotit – Skenderbeut, në 619-vjetorin e tij të lindjes dhe në 25 – vjetorin të çlirimit të qytetit të Gjakovës, punuar nga e skulptori Tal Istrefi.
Në ceremoninë e zbulimit të shtatores e cila paraqet Skënderbeun mbi kalë, morën pjesë shumë personalitete e politikanë të njohur dhe zyrtarë lokalë, të prirë nga i pari i komunës së Gjakovës Ardian Gjini.
Këtë përurim të shtatores e begatuan me paraqitjet e tyre skenike edhe shumë yje të njohura të muzikës shqiptare si Kastriot Tusha, Shkurte Fejza, ilir Shaqiri, Selami Kolonja, Enkelejda Arifi, Nikollë Nikëprelaj etj.
Por edhe shumë këngëtar – e e grupe të të tjera mysafirë si dhe shoqata të shumta shqiptare si ato Arbëreshe, pastaj nga Çamëria, nga Amerika, Zvicrra, Kosova etj.
Të ftuar ishin Arbëreshet nga Italia, Shoqaten “Vatra” nga Stambolli, Shka “Rapsha” nga Malesia e mbi Shkodrës, Shka Aromë Laberie , etj.
Përndryshe Skënderbeu (1405-1468) konsiderohet nga shumë vende të Evropës Perëndimore si heroi që pengoi Perandorinë otomane të pushtonte Perëndimin e Evropës dhe si modeli i rezistencës ndaj otomanëve. Mirëpo në fund të përurimit kishte edhe kritika nga disa qytetarë të Gjakovës që njihen për shije të hollë artistike.
Duke u shprehur se shtatorja e përuruar sot është mbase një kiç artistik pasi ka disproporcion mes trupit të.kalit dhe trupit të kryeheroit!/InLajmi/
