Kryetari i AAK-së, Ramush Haradinaj, në Ditën Botërore të Lirisë së Mediave tha se sunduesve i pengon liria e shprehjes dhe ajo e mediave, përcjell InLajmi.
Haradinaj tha se mbrojtja e gazetarëve dhe medias së lirë është ndër parimet e panegociueshme dhe është obligim institucional e shoqëror ta ruajmë dhe avancojmë këtë segment të lirisë sonë.
Shqetësues mbetet qasja e eksponentëve të pushtetit me sulmet e orkestruara që i bëjnë mediave dhe tendenca për kontroll ndaj tyre, duke shënuar regres alarmant sa i përket lirisë së medias, i vërtetuar edhe nga raportet e institucioneve kredibile ndërkombëtare, shtoi ai.
Qëndrojmë krah medias, në mbrojtje e respekt ndaj fjalës së lirë, përfundoi Haradinaj.
Postimi i plotë i tij:
Sunduesve i pengon liria e shprehjes, liria e mediave!
Mbrojtja e gazetarëve dhe medias së lirë është ndër parimet e panegociueshme dhe është obligim institucional e shoqëror ta ruajmë dhe avancojmë këtë segment të lirisë sonë! Sot në Ditën Botërore të Lirisë së Mediave, reflektojmë mbi rëndësinë e lirisë së fjalës dhe lirisë së medias.
Shqetësues mbetet qasja e eksponentëve të pushtetit me sulmet e orkestruara që i bëjnë mediave dhe tendenca për kontroll ndaj tyre, duke shënuar regres alarmant sa i përket lirisë së medias, i vërtetuar edhe nga raportet e institucioneve kredibile ndërkombëtare.
Qëndrojmë krah medias, në mbrojtje e respekt ndaj fjalës së lirë!/InLajmi/
