Procesi i regjistrimit po vazhdon edhe më tutje, kështu radha i ka ardhur edhe kryeministrit, Albin Kurti, të regjistrohet, përcjell InLajmi.
Kurti tha se ishte një proces i lehtë e i thjeshtë, si dhe i shpejtë që zgjati më pak se 10 minuta.
Ai tha se ky regjistrim është mjaft i rëndësishëm për shoqërinë.
Kurti u ka bërë thirrje të gjithë qytetarëve për t’u regjistruar.
Postimi i plotë i tij:
Unë u regjistrova. Ishte një proces i lehtë e i thjeshtë, si dhe i shpejtë që zgjati më pak se dhjetë minuta. Është aq i rëndësishëm ky regjistrim i popullsisë saqë vendimtar për dhjetë vjeçarin e ardhshëm të politikave tona si shtet e të progresit tonë si shoqëri. Andaj regjistrohuni edhe ju për të planifikuar të ardhmen!/InLajmi/
