Deputeti i PDK-së, Hajdar Beqa, ka thënë se kreu i ekzekutivit Kosovar, Albin Kurti është “i rrëzuar” dhe “i dënuar”. Ai ka thѱnë se ata kanë një kandidat serioz që sipas tij, nuk ka qëllim ta rrëzojë kryeministrin aktual por “për ta nxjerrur Kosovën nga kriza ekonomike”
Deputeti nga radhët e Partisë Demokratike të Kosovës (PDK), Hajdar Beqa, për seancën e sotme në Kuvend, ka thënë se kryeministri i Kosovës, Albin Kurti është “i rrëzuar” dhe “i dorëzuar”.
Deputeti ka thënë se PDK tashmë është konsiliduar dhe se sipas tyre, kanë një kandidat serioz, bëhet fjalë për Bedri Hamzën.
“Ne kemi kryeministër folklorik, teorinë e njeh mirë edhe kurgja ma shumë… Kryeministri është i rrëzuar dhe i dorëzuar. Kryeministri është i dorëzuar, i ka numrat ia kanë dhënë qytetarët. PDK ështe konsoliduar, kemi kandidat serioz. Hamza nuk ka ardhë me rrëzu Albin Kurtin, por që mos me dëmtu Kosovën më shumë Albin Kurti. Me ja dhënë Kosovës një kryeministër që e ka guximin e dijen për ta nxjerrur Kosovën nga kriza ekonomike”, ka thënë Beqa në emisionin “FIVE”.
Ndërsa lidhur me seancën e sotme në Kuvend, deputeti është shprehur se nënkryetarja e Kuvendit, Saranda Bogujevci u emocionua në momentin kur thirri sigurimin për deputetët Zyba dhe Shala.
Sipas tij, kjo parti gjatë këtyre vjetëve të qeverisjes kanë pasur disa herë komsione hetimore e që kanë vënë në pah dyshimet e tyre.
“Ne kemi kërkuar gjatë tre vjetëve të fundit dhe kemi pasë disa herë komsione hetimore që kanë vënë në pah dyshimet tona që i kemi pasur si grup parlamentar por edhe të grupeve tjera opozitare. Ne kemi ngritur çështjen kur kemi pasur probleme me energji elektrike, kur kishim zyrtarë të lartë të Vetëvendosjes që ishin të kyçur në atӕ situate, siç ishte rasti me ambasadorin Martin Berishaj me ish-kryeshefin ekzekutiv të KEK-ut, Nagip Krasniqi. Këta, fatkeqësisht krijuan një precedent jo të mirë në institucione, kèta dilnin dhe i mbronin – Nagipin dhe Martinin. Tani Nagipin nuk po mund ta mbrojnë sepse ka argumente dhe Martinin ende po e mbrojnë”, ka thënë tutje Beqa.
Beqa ka shtuar se raporti i fundit i DASh-it për Kosovën pasqyron gjendjen reale të kualitetit të qeverisjes në Republikën e Kosovës, përcjell Dukagjini.
“Ky raport pasqyron mënyrën e qeverisjes së kësaj Qeverie dhe kemi pare që në këtë raport 1/3 e qeverisë janë nën hetime, janë të dyshuar. Kemi një qeveri e cila përzihet në kompenteca të të tjerëve, e deri tek mediat bën kërcënime, mos të flasim për shprehjen e lire dhe interferim në drejtësi…”, është shprehur mes të tjerash deputeti.
