Kreu i AAK-së Ramush Haradinaj, ka kujtuar heroin e kombit, Agim Selmanaj, përcjell InLajmi.
Haradinaj tha se heroi i Kosovës, Agim Selmanaj, i rritur në frymën e atdhedashurisë, u ngrit në një ushtar shembullor nga më të zotët që kishte Dukagjini e Kosova.
Ai gjithashtu tha se Selmanaj ra për t’u përjetësuar në themelet e lirisë. Trim, guximtar e sypatrembur deri në momentin e përjetësisë.
Postimi i plotë i tij:
Familja Selmanaj, ndër breza kanë besuar në liri dhe i kanë shërbyer atdheut pa kalkulim. Heroi i Kosovës, Agim Selmanaj, i rritur në frymën e atdhedashurisë, u ngrit në një ushtar shembullor nga më të zotët që kishte Dukagjini e Kosova, deri sa ra për t’u përjetësuar në themelet e lirisë. Trim, guximtar e sypatrembur deri në momentin e përjetësisë.
I përjetshëm qoftë kujtimi për të!
Lavdi! /InLajmi/
