Paragllajdisti ynë, Fanol Shala, ka arritur rezultat mbresëlënës në Kupën e Botës seria e 2-të disiplina paragllajding precizion, të mbajtur në Alania të Turqisë.
Shala u rendit i 2-ti nga 69 garues, me 6 pikë në total, por ajo që e veçoi më shumë ishte rekordi botëror.
Fanoli pati 6 ulje radhazi me rezultat 1 cm total 6 cm, duke thyer rekordin botëror, të konfirmuar pas garës edhe nga Federata Ndërkombëtare e Aeronautikës.
Vendin e parë e zuri kampioni botëror, kinezi Yang Chen, shkruan Telegrafi.
Paraqitje të mirë patën edhe garuesit tjerë të përfaqësueses tonë: Veton Sylaj, Migjen Shala, Gezim Statovci dhe Avni Kuçi.
