Xhudistja nga Kosova, Distria Krasniqi ka kaluar në gjysmëfinale të Kampionatit Evropian që po mbahet në Zagreb të Kroacisë.
Distria Krasniqi e ka nisur për mrekulli Kampionatin Evropian, duke marrë 2 fitore radhazi dhe duke u kualifikuar në gjysmëfinale të kategorisë deri në 52 kilogramë.
Xhudistja pejane ishte e lirë në raundin e parë, ndërsa në raundin e 2-të mposhti me ‘ippon’ xhudisten nga Ukraina, Anna Borodina.
Në çerekfinale, Distria ishte e pamëshirshëm duke mposhtur bindshëm kroaten Ana Viktorija Puljiz, me teknikën e njohur si Osaekomi.
Pas kësaj fitore, xhudistja jonë ka kaluar në gjysmëfinale, ku do të ndeshet me Ariane Toro Soler nga Spanja, shkruan Telegrafi.
Në anën tjetër, Flaka Loxha është eliminuar në luftën e parë pas humbjes nga kroatja Tihea Topolovec, në kategorinë deri në 57 kilogramë.
