Bujar Osmani, kandidat i Frontit Evropian për president të Maqedonisë së Veriut, ka shpallur fitoren e këtij fronti në kampin shqiptar.
Në selinë e BDI-së, ai ka shpallur fitoren.
“Më lejoni që përpara jush të shpall fitore të thellë”, ka thënë Osmani.
Më pas ai, ka përmendur qytetet ku ka fituar BDI-ja.
“Kemi fituar në çdo komunë të vendit, fitore të thellë në Haraçinë, Vrapçishtë, Studeniçan, Bogovinë, Zhelinë, Resnje, në Strugë, Tetovë, Manastir, Kërçovë, Gostivar, etj”, tha Osmani, shkruan Sinjali.
Sipas rezultatet të deritashme Osmani ka fituar rreth 88.000 vota dhe renditet i treti në garën e përgjithshme, në të cilën po prin kandidatja e VRMO-së.
