Kryeministri i Republikës së Kosovës, Albin Kurti, tha se për herë të 2-të, regjisori Samir Karahoda fiton vend në përzgjedhjen zyrtare të programit të Festivalit të Filmit të Kanës, përcjell InLajmi.
Kurti tha se pas pjesëmarrjes në vitin 2021 me filmin “Pa Vend”, ai këtë vit merr pjesë me filmin e ri “Rrugës”, brenda konkurrencës së filmit të metrazhit të shkurtë në edicionin e 77-të të këtij festivali jashtëzakonisht prestigjioz.
Tutje tha se ai bëhet regjisori i parë nga Kosova që ka shfaqur 2 filma të ndryshëm në konkurrencën e Kanës.
Kreu i vendit u shpreh se filmi është shkruar nga Samiri dhe djali i tij, Mironi, bazuar në një bisedë që të 2-të kanë zhvilluar në veturë gjatë rrugës për në aeroport.
Gjithashtu tha se Mironi bashkë me Ylber Mehmetin, luajnë 2 rolet e vetme në film. Montazhën e filmit e ka kryer Enis Saraçi, të cilin e kam vizituar në studio në muajin shkurt, përderisa e montonte filmin bashkë me Samirin.
Kurti u shpreh se “Rrugës” është mbështetur nga Qendra Kinematografike e Kosovës, Televizioni Kulturor Europian ‘ARTE’ dhe Televizioni Finlandez ‘Yle’.
Ai gjithashtu uroi Samirin, Mironin, Ylberin, Erollin, Enisin dhe Labinotin, duke uruar shumë suksese në konkurrencën e këtij viti.
Postimi i plotë i tij:
“Rrugës” për në Cannes
Për herë të 2-të, regjisori Samir Karahoda fiton vend në përzgjedhjen zyrtare të programit të Festivalit të Filmit të Kanës. Pas pjesëmarrjes në vitin 2021 me filmin “Pa Vend”, ai këtë vit merr pjesë me filmin e ri “Rrugës”, brenda konkurrencës së filmit të metrazhit të shkurtë në edicionin e 77-të të këtij festivali jashtëzakonisht prestigjioz. Ai bëhet regjisori i parë nga Kosova që ka shfaqur 2 filma të ndryshëm në konkurrencën e Kanës.
Filmi është shkruar nga Samiri dhe djali i tij, Mironi, bazuar në një bisedë që të 2-të kanë zhvilluar në veturë gjatë rrugës për në aeroport. Mironi bashkë me Ylber Mehmetin, luajnë 2 rolet e vetme në film. Montazhën e filmit e ka kryer Enis Saraçi, të cilin e kam vizituar në studio në muajin shkurt, përderisa e montonte filmin bashkë me Samirin.
“Rrugës” është mbështetur nga Qendra Kinematografike e Kosovës, Televizioni Kulturor Europian ‘ARTE’ dhe Televizioni Finlandez ‘Yle’.
Urime Samirit, Mironit, Ylberit, Erollit, Enisit dhe Labinotit, e shumë suksese në konkurrencën e këtij viti. /InLajmi/
