Një person ka mbetur i vdekur ne një aksident trafiku në komunën e Lipjanit, rasti ka ndodhur në rrugën “Ibrahim Rugova”, të këtij qyteti, përcjell InLajmi.
Zëdhënësi i policisë për rajonin e Prishtinës, Agron Borovci ka theksuar se në aksident ishin të përfshirë një veturë dhe një kamion.
Sipas tij, viktima e këtij aksidenti është një burrë i moshës 71-vjeçare.
Përderisa policia ka dalë në vendin e ngjarjes dhe ka nisur punën për hetimin e shkaqeve që kanë sjellë deri te aksidenti, me urdhër të prokurorit të shtetit vozitësi i kamionit është dërguar në mbajtje prej 48 orësh, ka deklaruar Borovci./InLajmi/
