Në Sofje të Bullgarisë, Kryeministri i Republikës së Kosovës, Albin Kurti u mirëprit edhe nga Presidenti i Bullgarisë, Rumen Radev, me të cilën zhvilloi një takim bilateral pas atij që kishin bashkë në kryeqytetin e Republikës së Kosovës në dhjetor të vitit të kaluar, shkruan InLajmi.
Takimin e 2-të brenda 4 muajve kryeministri Kurti e cilësoi së dëshmi të marrëdhënieve të mira, teksa theksoi rëndësinë e takimeve të tilla të shpeshta për marrëdhëniet dypalëshe. Ai falënderoi Bullgarinë për mbështetjen e saj në periudha vendimtare të vendit dhe popullit tonë, për përkrahjen e vazhdueshme të shtetit tonë në anëtarësimin në organizata ndërkombëtare, përfshirë Këshillin e Evropës tash së fundmi, për bashkëpunimin e ngushtë rajonal dhe për kontributin e saj në sigurinë rajonale si anëtare e NATO-s.
Folën për raportet ekonomike ndërmjet 2 vendeve, mundësitë që i kemi përpara për thellimin dhe fuqizimin e tyre si dhe për sigurinë e kontinentit dhe rajonit përballë sfidave të kohës. Biseduam gjithashtu edhe për fushën e mbrojtjes ku këtë vit ministri i Mbrojtjes i Republikës së Kosovës dhe ai i Republikës së Bullgarisë pritet të nënshkruajmë një Marrëveshje Bashkëpunimi.
Në kuadër të Odës Ekonomike Kosovë-Bullgari e cila u themelua vitin e kaluar, këtë vit planifikohet të organizohet forumi ekonomik për biznese me qëllim nxitjen e investimeve të huaja dhe shkëmbimeve tregtare. /InLajmi/
