Komisioni Qendror i Zgjedhjeve ka publikuar rezultatet përfundimtare të procesit të votimit për apo kundër largimit të kryetarëve nga funksioni në Leposaviq, Zubin-Potok, Zveçan dhe Mitrovicë e Veriut.
Në pyetjen se a pajtohen qytetarët që kryetarët e këtyre katër komunave të largohen nga funksioni, në Leposaviq 129 persona kanë votuar kundër, ndërsa 6 për.
Në Zubin-Potok, nga gjithsej 18 vota, që të gjitha kanë qenë kundër largimit të kryetarit.
Në Zveçan personi i vetëm që ka votuar është shprehur kundër, shkruan FrontOnline.
Ndërsa në Mitrovicë të Veriut, 99 persona kanë votuar për jo, ndërsa pro largimit kanë votuar 12 persona.
