Agjencia për Parandalimin e Korrupsionit, APK, ka publikuar të dhënat e deklarimit të pasurisë nga zyrtarët publikë për vitin 2024.
Në listën e deklarimit të pasurisë figuron emri i presidentes së Kosovës, Vjosa Osmani, kryeministri Albin Kurti dhe kryetarit të Kuvendit, Glauk Konjufca.
Presidentja Osmani ka deklaruar bashkë me bashkëshortin një banesë të blerë mbi 59.000 euro, një garazh 6.000 euro, një shtëpi 170.000 euro, tokë 35.000 euro, 2 banime në varg, njëra e përbashkët në vlerë 190.000 euro dhe tjetra 510.000 euro.
Gjithashtu, ka deklaruar një veturë në vlerë 10.000 euro në pronësi të bashkëshortit.
Ndërsa, edhe dy kredi, një 40 mijë euro dhe tjetra 65.000 euro.
Paga neto vjetore e saj është 33.070 euro, kurse e bashkëshortit 17.173 euro.
Ndërsa, në pasuri të luajtshme, Osmani ka deklaruar një veturë të tipit “Mercedes-benz” në vlerë 10.000 euro, e që edhe kjo është në pronësi të bashkëshortit të saj.
E para e shtetit tutje ka deklaruar se para të gatshme i ka vetëm 1.168 euro dhe 266.84 dollarë australian, ndërsa detyrimet tha se i ka 105.000 euro.
Ndërkohë, kryeministri Albin Kurti e ka deklaruar si pasuri të paluajtshme një banesë në pronësi të bashkëshortes, në vlerë prej 400.000 eurosh dhe të blerë me kredi.
Në bankë ka deklaruar para të gatshme rreth 1.500 euro nga paga dhe në llogarinë e bashkëshortes 2.500 euro.
Ndërsa, pagë neto vjetore 19.043 euro.
Kryetari i Kuvendit, Glauk Konjufca, ka deklaruar nëntë prona, 3 prej të cilave të trashëguara tokë, 5 të blear, 3 banesa, një depo, një parking e një shtëpi e ndërtuar. Megjithatë, vetëm 3 nga këto i ka deklaruar në pronësi të veten. 6 të tjerat të prindërve.
Konjufca e ka të deklaruar edhe një veturë në vlerë 3.000 euro në pronësi të bashkëshortes.
Po ashtu, ka të deklaruar mbi 61.000 euro kredi, shkruan Tëvë1.
Paga neto vjetore e tij është 27.555 euro.
