Kreu i AAK-së, Ramush Haradinaj ka përkujtuar Ditën e Dëshmorëve të Prishtinës, përcjell InLajmi.
Sot, në përvjetorin e Betejës së Marecit, kujtojmë me krenari vendosmërinë e guximin e luftëtarëve të Brigadës 153 “Hyzri Talla” dhe të gjithë dëshmorët dhe martirët e lirisë, theksoi Haradinaj.
Në këtë datë shumë vëllezër e motra nga fshatrat e rrethit të Prishtinës pësuan nga dora e agresorit të egër, tha ai.
Përgjithmonë mirënjohës dhe falënderues sakrificës së të rënëve për lirinë e atdheut, përfundoi Haradinaj.
Postimi i plotë i tij:
Prishtina shënon Ditën e Dëshmorëve.
Sot, në përvjetorin e Betejës së Marecit, kujtojmë me krenari vendosmërinë e guximin e luftëtarëve të Brigadës 153 “Hyzri Talla” dhe të gjithë dëshmorët dhe martirët e lirisë.
Në këtë datë shumë vëllezër e motra nga fshatrat e rrethit të Prishtinës pësuan nga dora e agresorit të egër. Me dhimbje kujtojmë të rënët në masakrat e Makocit, Grashticës, Bërnicës dhe fshatit Llukar.
Prilli i vitit 1999 për shumë familje të Llapit e Gollakut që kishin marrë rrugë për t’i shpëtuar masakrave nga armiku, u shndërrua në ditë krimi të paparë. Ushtria, policia dhe paramilitarët serbë në pritën që u kishin bërë, vranë dhe masakruan mbi 124 civilë të pafajshëm, duke mos kursyer askënd, nga fëmiu 7 vjeçar e deri te plaku 90 vjeçar. Në të njëjtën ditë, në Bërnicë të Prishtinës armiku ekzekutoi 6 anëtarë të familjes Reka dhe një të familjes Berisha. Kjo histori e dhimbshme mbi popullin tonë akoma nuk e mori dënimin e merituar nga drejtësia!
Përgjithmonë mirënjohës dhe falënderues sakrificës së të rënëve për lirinë e atdheut!/InLajmi/
