Shefi i grupit parlamentar të PDK-së, Abelard Tahiri tha se në vitin 2023 ka pasur rritje për 40% të vrasjeve në Kosovë, përcjell InLajmi.
Sipas Tahirit kriminelët kanë marrë zemër e për këtë ka fajësuar kryeministrin e Kosovës, Albin Kurtin dhe tërë kabinetin qeveritar.
Ai ka pyetur se pse duhet t’i frikësohet një kriminel organeve të rendit dhe të drejtësisë kur vetë kryeministri i sulmon ato?!
Pushteti dhe mendësia e tij e dhunës duhet të ndryshojë për të ndryshuar realiteti shoqëror, përfundoi Tahiri.
Postimi i plotë i tij:
Kriminelët kanë marrë zemër!
Në vitin 2023 patëm rritje 40% të numrit të vrasjeve në Kosovë. Brenda tri ditëve, dy gra u vranë në Kosovë.
Kultura e dhunës në pushtet e ushqen dhunën në shoqëri.
Në pushtet e kemi një kryeministër dhe një ministër të brendshëm që deri dje e kanë sulmuar dhunshëm Policinë.
Në pushtet e kemi një kryeministër dhe një ministre të drejtësisë që vazhdimisht i sulmojnë prokurorinë dhe gjykatat.
Kjo është nxitje për kriminelët. Pse duhet t’i frikësohet një kriminel organeve të rendit dhe të drejtësisë kur vetë kryeministri i sulmon ato?!
Pushteti dhe mendësia e tij e dhunës duhet të ndryshojë për të ndryshuar realiteti shoqëror./InLajmi
