Politikani opozitar serb, Nikola Sanduloviq, ka thënë se “regjimi kriminal në Serbi” është përpjekur ta vrasë vajzën e tij, Klara.
Sipas Sanduloviqit, vajza e tij i shpëtoi për pak një shpërthimi pasi disa persona i hodhën sheqer në rezervuarin e veturës.
“Pas rrëmbimit tim dhe tentativës për vrasje, tashmë vajza ime Klara ishte shënjestër e një atentati!!! Ata hynë në veturën e saj dhe i hodhën sheqer në rezervuar, që bllokoi plotësisht motorin ndërsa ajo po e drejtonte dhe për pak sa nuk shkaktoi shpërthim. Vetëm me qetësinë e saj arrin të shmangë një aksident gjatë vozitjes dhe të ndalojë në mënyrë të sigurt makinën. Makina ndodhet aktualisht në një qendër shërbimi të autorizuar ku motori është çmontuar plotësisht për të përcaktuar nëse sheqeri është derdhur në rezervuar. Regjimi kriminal në Serbi nuk heq dorë nga synimi për të më eliminuar fizikisht mua dhe vajzën time Klara. A do ta shikojë bota dhe komuniteti ndërkombëtar me qetësi dhe do ta lejojnë të ndodhë? A ka pasur një rast identik me opozitarin e vrarë Navalny?”, ka shkruar Sanduloviq në “X”, shkruan Sinjali.
Sanduloviq që drejton Partinë Republikane të Serbisë në fillim të këtij viti u rrah nga autoritetet serbe pasi postoi foto nga qëndrimi i tij në Prekaz.
