Kryeministri i Kosovës, Albin Kurti, ka bërë nderime te memoriali “Heroinat” në Ditën Memoriale të të Mbijetuarve të Dhunës Seksuale gjatë luftës së fundit në Kosovë.
Kurti me këtë rast tha se rreth 20 mijë gra e burra kanë paguar çmim të lartë fizik, psikik e emocional për lirinë e vendit.
“U bëjmë thirrje qytetarëve që të kontribuojnë kundër stigmatizimit. Kjo kategori ka kripë në plagë që i bën plagët e luftës të djegin edhe më shumë”, ka thënë Kurti.
Sipas tij, institucionet dhe qytetarët duhet të punojnë kundër stigmatizimit të kësaj kategorie, pasi u mjafton ajo me çka janë përballur gjatë luftës, shkruan Teve1.
Kurti mes tjerash tha se kjo dhunë nuk iu ka ndodhur për shkak të emrave të tyre të veçantë, apo fizikës, por iu ka ndodhur sepse sepse ishin shqiptarë.
