Arijanet Muriq po përjeton ditë të errëta në Premier League.
Edhe të shtunën, ashtu si një javë më parë, portieri i Kosovës bëri gabim fatal që i kushtoi Burnleyt me humbjen e pikëve dhe shtyu skuadrën drejt rikthimit në Championship.
Burnley barazoi 1:1 me Brightonin në shtëpi në xhiron e 33-të të kampionatit anglez.
Muriq ishte fytyrë tragjike kur Burnley pësoi golin e barazimit në minutën e 79-të, pesë minuta pasi Brownhill i dha epërsinë 1:0 vendasve.
25-vjeçari nuk arriti ta perceptonte siç duhet topin e kthyer nga bashkëlojtari i tij.
Muriq pati paraqitje të shkëlqyeshme deri kur e pësoi golin.
Gabim të rëndë Muriq bëri edhe në ndeshjen me Evertonin, të cilën Burnley e humbi 1:0, shkruan Tëvë1.
Burnley është vendin e parafundit me 20 pikë, pesë pikë larg vendit të 17-të – që siguron mbijetesën.
