Presidentja e vendit, Vjosa Osmani, ka reaguar pas vrasjes së 21-vjeçares sot në Ferizaj nga ish-bashkëshorti i saj, përcjell InLajmi.
Edhe një përkujtim se këta vrasës mizor të cilët ia kanë mësyer të shkatërrojnë jo veç jetën e grave, por edhe thelbin e shoqërisë sonë mund të ndalen vetëm nëse të gjithë bashkohemi e rizgjohemi si shoqëri kundër këtij fenomeni të tmerrshëm, theksoi Osmani.
Mjaft më me dështim të shtyllave që do të duhej të mbronin gratë tona, qytetarët tanë, shtoi ajo.
Ajo gjithashtu ka kërkuar dënim maksimal për vrasësin.
Postimi i plotë i saj:
Edhe një burrë që vranë një grua!
Sërish femicid!
Edhe një përkujtim se këta vrasës mizor të cilët ia kanë mësyer të shkatërrojnë jo veç jetën e grave, por edhe thelbin e shoqërisë sonë mund të ndalen vetëm nëse të gjithë bashkohemi e rizgjohemi si shoqëri kundër këtij fenomeni të tmerrshëm.
Mjaft më me dënime qesharake. Mjaft më me sistem të çalë të drejtësisë. Mjaft më me dështim të shtyllave që do të duhej të mbronin gratë tona, qytetarët tanë.
Ngushëllime të sinqerta familjes!
Dënim maksimal për vrasësin!/InLajmi/
