Kryetari i PDK-së, Memli Krasniqi, ka dënuar vrasjen e gruas në Ferizaj, përcjell InLajmi.
Krasniqi tha se jeta e saj, pa filluar ende mirë, sot iu shua nga ish-bashkëshorti i saj.
Një tragjedi që shkakton shumë dhembje dhe e cila nuk mund të përmblidhet me fjalë, theksoi ai.
Kosova nuk guxon të shndërrohet në një vend ku gratë vriten në mënyrë të ripërsëritur e ku nuk ka ndëshkushmëri maksimale, shtoi Krasniqi.
Ngushëllimet më të thella familjes, përfundoi ai.
Postimi i plotë i tij:
Emri i saj ishte Erona!
Ajo ishte 21 vjeç dhe kishte një djalë. Jeta e saj, pa filluar ende mirë, sot iu shua nga ish-bashkëshorti i saj.
Një tragjedi që shkakton shumë dhembje dhe e cila nuk mund të përmblidhet me fjalë. Fatkeqësisht, një krim që vjen dhe ripërsëritet muaj pas muaji në vendin tonë.
Përtej fjalëve dhe thirrjeve, sot, rëndësi kanë veprat. Jo vetëm ato të organeve të drejtësisë, por të të gjitha mekanizmave të shtetit – politik dhe administrativ.
Kosova nuk guxon të shndërrohet në një vend ku gratë vriten në mënyrë të ripërsëritur e ku nuk ka ndëshkushmëri maksimale.
Kosova nuk guxon të kthehet në një vend ku gratë shndërrohen në numra.
Emri i saj ishte Erona. Ajo ishte 21 vjeç.
Ngushëllimet më të thella familjes!/InLajmi/
