Kryetari i Partisë Demokratike të Kosovës, Memli Krasniqi, ka përkujtuar 25 vjetorin e rënies së heroit Agim Ramadani, përcjell InLajmi.
Krasniqi tha se Agim Ramadani komandant “Katana”, e dinte përgjigjen në këtë pyetje para se ta shkruante këtë poezi, prandaj, radhitja në mesin e UKS-së për t’u bërë pjesë e luftës për liri, ishte mënyra e tij për të thënë se, JO, nuk mjaton të shikojmë. Se liria nuk falet, por fitohet me gjak.
Tutje ai tha lavdi heroit të Kosovës,i cili edhe sot, në 25-vjetorin e rënies së tij heroike, përmes luftës dhe vargjeve të tij, jeton në zemrat e secilit shqiptar atdhedashës.
Kreu i PDK-së shprehu respekt, mirënjohje dhe lavdi luftëtarëve dhe dëshmorëve të betejës së Koshares, të cilët, me brigadën e tyre të pagëzuar me emrin e Agimit, vazhduan luftën për çlirim deri në fund.
Postimi i plotë i tij:
A mjafton
të presim vetëm,
e të shikojmë
duke larguar perdën,
për të parë si na vjen liria?
Agim Ramadani komandant “Katana”, e dinte përgjigjen në këtë pyetje para se ta shkruante këtë poezi. Prandaj, radhitja në mesin e Ushtrisë Çlirimtare të Kosovës, për t’u bërë pjesë e luftës për liri, ishte mënyra e tij për të thënë se, JO, nuk mjaton të shikojmë. Se liria nuk falet, por fitohet me gjak.
Lavdi heroit të Kosovës,i cili edhe sot, në 25-vjetorin e rënies së tij heroike, përmes luftës dhe vargjeve të tij, jeton në zemrat e secilit shqiptar atdhedashës.
Respekt, mirënjohje dhe lavdi luftëtarëve dhe dëshmorëve të betejës së Koshares, të cilët, me brigadën e tyre të pagëzuar me emrin e Agimit, vazhduan luftën për çlirim deri në fund! /InLajmi/
