Vuajtja fetale është një kusht që mund të shfaqet si gjatë shtatëzanisë ashtu edhe gjatë proçesit të lindjes, edhe pse ndodh në një numër të vogël të shtatëzanive.
Shkaqet e vuajtjes fetale
Faktorët mund të jenë të ndryshëm, dhe si më të rëndësishmit mund të përmendim ndonjë patologji të nënës, shkëputjen e plaçentës, infeksionet fetale, problemet me kordonin ombelikal, shtypjen e enëve të gjakut, gjë e cila bën një furnizim jo të mirë të fëmijës me gjak etj.
Gjendja e fetusit
Në këtë rast furnizimi me oksigjen do të ulet dhe për pasojë rrahjet e zemrës do të bëjnë të njëjtën gjë, situatë e cila është tepër e rrezikshme, e cila nxitet të përfundojë sa më shpejt kryesisht me anën e operacionit çezarian.
Cilat janë simptomat e vuajtjes fetale?
Fetusi në këtë rast do të ketë rrahje të ulëta zemre, lëvizje më të rralla, do të ngjyroset lëngu amniotik me mekonium.
Subjektet më të rrezikuara janë:
Gratë të cilat kanë sasi të pakta të lëngut amniotik, ato që vuajnë nga pre-eklampsia, diabeti gestacional, lindja prematurë si edhe shtatëzania multiple, shkruan Revista Psikologjia.
Cilat janë veprimet qe duhet të bëjë gruaja?
Përveç vizitës tek mjeku ajo duhet të qëndrojë shtrirë në krahun e majtë në mënyrë që të favorizohet furnizimi me gjak i bebit.
