Kryetari i PDK-së, Memli Krasniqi, e ka uruar Ditën e Kushtetuës përmes një postimi në Facebook.
Ai thotë se Kushtetuta, më shumë se fjalë në letër, është simbol i unitetit, drejtësisë dhe fuqisë së demokracisë.
Tutje, i pari i PDK-së, pati edhe kritika për qeverinë, pasi sipas tij, në tri vitet e fundit, Kushtetuta është dashur të mbrohej “më së shumti nga vetë qeveria e Kosovës”, shkruan KlanKosova.
Lexoni të plotë postimin e tij:
Urime Ditën e Kushtetutës!
Sot, nesër dhe çdo ditë tjetër të jetës, të respektojmë dhe mbrojmë me çdo kusht themelet e të drejtave dhe lirive tona. Kushtetuta, më shumë se fjalë në letër, është simbol i unitetit, drejtësisë dhe fuqisë së demokracisë.
Fatkeqësisht, në 3 vitet e fundit kemi pasur nevojë që Kushtetutën tonë ta mbrojmë më së shumti nga vet Qeveria e Kosovës që e ka obligim ligjor, institucional dhe kombëtar t’i dalë zot asaj.
Angazhimi që duke ndjekur parimet e Kushtetutës tonë, të ndërtojmë një shtet të drejtë, të sigurt dhe barabartë për të gjithë, ka qenë, është dhe mbetet zotimi ynë i përhershëm!
