Ministri i Punëve të Brendshme, Xhelal Sveçla e ka përgëzuar Policinë e Kosovës, për operacionin e suksesshëm për kapjen e 20 pakove me substancë narkotike të llojit heroinë, gjatë ditës së diel, përcjell InLajmi.
Sveçla tha se krimit i kanë shpallur luftë si në veri ashtu edhe në jug,
Republika jonë po forcon gjithnjë e më shumë pikat kufitare për të ndaluar “eksportin dhe importin” e çfarëdo ilegaliteti, shtoi ai.
Postimi i plotë i tij:
Përgëzoj Policinë e Kosovës për operacionin e suksesshëm që rezultoi me kapjen e 20 pakove me substancë narkotike të llojit heroinë, në vlerë 200 deri 250 mijë euro.
Krimit dhe ilegalitetit i kemi shpallur luftë, në veri e në jug. Ky sukses i Policisë sonë është dëshmi se Republika e Kosovës nuk është zonë sigurie as për kriminelët as për çfarëdo lloj krimi. Ndërkohë që po eliminojmë strofullat e drogës gjithandej vendit, Republika jonë po forcon gjithnjë e më shumë pikat kufitare për të ndaluar “eksportin dhe importin” e çfarëdo ilegaliteti./InLajmi/
