Sindikata e Infermierëve të Kosovës ka bërë të ditur se për institucionet vendore duhet të jetë alarm largimi i infermierëve nga vendi, duke theksuar se brenda tre muajve të fundit 90 persona të këtij profili kanë kërkuar licenca për të shkuar për punë në shtetet evropiane.
Në reagim thuhet se ikja e këtyre infermierëve është një bagazh i profesionistëve që pothuajse është e pamundur të zëvendësohen, e posaçërisht ata me eksperiencë.
“Tashmë është e kuptueshme që sidomos pas liberalizimit të vizave ky trend nuk ka mundësi të ndalet, ndërsa ikja e këtyre infermierëve është një bagazh i profesionistëve që pothuajse është e pamundur të zëvendësohen, e posaçërisht ata me eksperiencë”, thuhet në reagimin e tyre, shkruan Teve1.
“Fokusi dhe përkushtimi ynë do jetë çdo herë në krijimin, ruajtjen dhe avancimin e marrëdhënieve të bashkëpunimit me të gjitha organizatat që përfaqësojnë komunitetet tona, qoftë nga ana profesionale apo ajo sociale”, thuhet mes tjerash.
