Neymar është në rrugën e tij për t’u bërë një nga protagonistët e rinj të tregut të transferimeve, pavarësisht se ai është ende në rikuperim të plotë nga lëndimi i rëndë i gjurit të pësuar disa muaj më parë, pasi ka zëra për një rikthim të mundshëm në vendlindjen e tij.
Pavarësisht se është i lidhur me Al-Hilal, Neymar ka zgjedhur ta kryejë rikuperimin e tij në vendin e tij të lindjes, Brazil.
Megjithatë, e ardhmja e tij në skuadrën saudite duket e pasigurt, pasi sipas raportimeve nga UOL, lojtari ka premtuar se do të rikthehet në Santos në verën e vitit 2025. Ky vendim sugjeron se Neymar nuk ka në plan të qëndrojë gjatë në Al-Hilal.
Kthimi i Neymar në Santos në vitin 2025 premton të jetë një ngjarje emocionuese për tifozët e klubit brazilian.
Ylli brazilian la një gjurmë të pashlyeshme në Santos gjatë periudhës së tij të parë në klub, dhe rikthimi i tij mund të rigjallëroj ekipin dhe të gjenerojë entuziazëm të madh mes tifozëve, shkruan Telegrafi.
Megjithatë, mbetet të shihet se si do të zhvillohen ngjarjet në muajt në vijim dhe çfarë ndikimi do të ketë ky vendim në karrierën e tij futbollistike.
