Presidentja e Republikës së Kosovës, Vjosa Osmani, ka kujtuar 25 vjetorin e Masakrës së Rezallës, përcjell InLajmi.
Osmani tha se forcat e regjimit gjenocidal të Serbisë, më 5 prill të vitit 1999 rrethuan shtëpitë e fshatit Rezallë dhe në mënyrë mizore vranë 98 djem e burra.
Tutje thuhet se eshtrat e 44 të vrarëve janë gjetur disa vite më pas në Rudnicë të Rashkës.
Ajo shtoi se regjimi kriminal serb kreu krime të tilla makabër kudo nëpër Kosovë, ndaj sjellja para drejtësisë e autorëve të krimit është e nevojshme dhe e domosdoshme.
Njoftimi i plotë nga Presidenca:
Presidentja Vjosa Osmani kujtoi 25-vjetorin e Masakrës së Rezallës
Forca të regjimit gjenocidal të Serbisë, më 5 prill të vitit 1999 rrethuan shtëpitë e fshatit Rezallë dhe në mënyrë mizore vranë 98 djem e burra.
Eshtrat e 44 të vrarëve janë gjetur disa vite më pas në Rudnicë të Rashkës.
Regjimi kriminal serb kreu krime të tilla makabër kudo nëpër Kosovë, ndaj sjellja para drejtësisë e autorëve të krimit është e nevojshme dhe e domosdoshme.
Drejtësi për viktimat dhe kujtim i përhershëm për to!
Qoftë i përhershëm kujtimi për të gjithë të rënët për liri! /InLajmi/
