Presidentja e Republikës së Kosovës, Vjosa Osmani ka ndarë Mirënjohje Presidenciale për ekipin e Fakultetit Juridik që dolën të 3 në garën më prestigjioze të drejtësisë në botë, përcjell InLajmi.
Osmani tha se ata janë personifikimi më i mirë i rinisë sonë të talentuar, të motivuar e të përkushtuar për të arritur çdo sukses e për ta ngritur lartë e më lartë shtetin tonë.
Tutje tha se këtë të martë në në prezencë të disa prej ish-pjesëmarrësve të garës VIS moot, shumë prej të cilëve edhe kisha nderin t’i trajnoja për rreth 15 vite, si dhe të ekipeve më të reja të Universitetit tonë, e mbi të gjitha në prezencë të prindërve të studentëve, shprehëm sërish mbështetjen dhe krenarinë tonë për studentët tanë.
Postimi i plotë i saj:
Mirënjohje Presidenciale për ekipin e Fakultetit Juridik që dolën të 3 në garën më prestigjioze të drejtësisë në botë.
Ata janë personifikimi më i mirë i rinisë sonë të talentuar, të motivuar e të përkushtuar për të arritur çdo sukses e për ta ngritur lartë e më lartë shtetin tonë.
Prandaj sot, në prezencë të disa prej ish-pjesëmarrësve të garës VIS moot, shumë prej të cilëve edhe kisha nderin t’i trajnoja për rreth 15 vite, si dhe të ekipeve më të reja të Universitetit tonë, e mbi të gjitha në prezencë të prindërve të studentëve, shprehëm sërish mbështetjen dhe krenarinë tonë për studentët tanë. /InLajmi/
