Ish-ministrja e Jashtme e Republikës së Kosovës, Meliza Haradinaj-Stublla ka marr pjesë në përurimin e strehimores nëntokësore në lagjen e komunitetit izraelit ‘Anatevka, në Kiev të Ukrainës.
Haradinaj-Stublla nënvizoi se ashtu si Ukraina, edhe Kosova po përballet dhe po i reziston suksesshëm ambicieve malinje të Rusisë në Ballkanin Perëndimor.
“Mes tjerash, theksova se populli i Kosovës qëndron përkrah popullit të Ukrainës pikërisht sepse e ndjen peshën e rëndë të luftës për liri e demokraci përballë barbarive të pafundme të Putinit. Nënvizova faktin se ashtu si Ukraina, edhe Kosova po përballet dhe po i reziston suksesshëm ambicieve malinje të Rusisë në Ballkanin Perëndimor, duke shndërruar kështu vendet tona në mburoja kundër zgjerimit të ndikimit rus, dhe si kufij kritik për në sigurinë evropiane dhe transatlantike”, shkruan në Facebook ajo.
Po ashtu, ajo u shpreh se miqësia mes Kosovës dhe Ukrainës ka potencialin e madh për të dobësuar kontrollin e Putinit në rajon.
