Stresi i papunësisë mund të jetë vërtet e vështirë për t’u përballuar. Përveç shqetësimit të dukshëm financiar që mund të shkaktojë, ai gjithashtu mund të ketë një ndikim të madh në gjendjen, marrëdhëniet dhe shëndetin e përgjithshëm mendor dhe emocional.
Pranimi i ndjenjave tuaja dhe sfidimi i mendimeve tuaja negative është hapi i parë që do t’ju ndihmojë të përballoni humbjen dhe të ecni përpara.
Jepini vetes kohë për t’u përshtatur.
Shkruani ndjenjat tuaja.
Pranoni realitetin. Ndonëse është e rëndësishme të kuptohet se sa e vështirë mund të jetë humbja e punës dhe papunësia, është po aq e rëndësishme të shmanget zhytja.
Shikoni humbjen e punës si një pengesë të përkohshme.
Ndjenjat e krijuara nga humbja e një pune janë më të lehta për t’u pranuar nëse mund të gjeni mësimin në humbjen tuaj. Mund të jetë shumë e vështirë në një pikë kaq të ulët të jetës suaj, por pyesni veten nëse ka ndonjë gjë që mund të mësoni nga kjo përvojë. Ndoshta papunësia juaj ju ka dhënë një shans për të reflektuar mbi atë që dëshironi nga jeta dhe të rishikoni përparësitë tuaja në karrierë. Ndoshta ju bëri më të fortë. Nëse shikoni, mund të gjeni diçka me vlerë, shkruan Revista Psikologjia.
Reagimi juaj i natyrshëm gjatë kësaj kohe të vështirë mund të jetë tërheqja nga miqtë dhe familja nga turpi ose sikleti. Por mos e nënvlerësoni rëndësinë e njerëzve të tjerë. Kontakti social është ilaçi më I mirë i natyrës ndaj stresit. Asgjë nuk funksionon më mirë për të qetësuar sistemin tuaj nervor sesa të flisni ballë për ballë me një dëgjues të mirë.
