Kryetari i Partisë Demokratike të Kosovës, Memli Krasniqi, tha se në 25 vjetorin e fillimit të masakrës së Krushës së Madhe, me zemra të rënduara kujtojmë 243 civilët e pafajshëm shqiptarë që u vranë brutalisht nga forcat kriminale dhe gjenocidale serbe më 1999, përcjell InLajmi.
Krasniqi tha se 64 persona, gjyshër, baballarë, vëllezër, motra, burra, gra e fëmijë vazhdojnë të figurojnë akoma të zhdukur pa një varr për t’i kujtuar e për t’u vendosur lule, mungesa e tyre është një rikujtim i vazhdueshëm i dhembjes dhe mizorisë që iu shkaktua popullit tonë.
Ai shtoi se me gjithë kalimin e kohës, asnjë nga autorët nuk ka dalë para drejtësisë për këtë krim makabër, duke thënë se kjo padrejtësi e madhe vazhdon të injoroj thirrjet dëshpëruese të familjeve të të vrarëve dhe mbarë popullit të Kosovës.
Tutje tha se jo vetëm kujtojmë martirët tanë, por jemi më të vendosur se kurrë për të kërkuar drejtësi. Asnjëherë nuk do të lejojmë që sakrificat e popullit tonë të harrohen dhe të shpërfillen.
Kreu i PDK-së gjithashtu u shpreh se sot e përgjithmonë, do të jenë në krahë dhe solidaritet të plotë me familjet që kanë humbur më të dashurit e tyre.
Postimi i plotë i tij:
Sot, në 25 vjetorin e fillimit të masakrës së Krushës së Madhe, me zemra të rënduara kujtojmë 243 civilët e pafajshëm shqiptarë që u vranë brutalisht nga forcat kriminale dhe gjenocidale serbe më 1999.
64 persona, gjyshër, baballarë, vëllezër, motra, burra, gra e fëmijë vazhdojnë të figurojnë akoma të zhdukur pa një varr për t’i kujtuar e për t’u vendosur lule. Mungesa e tyre është një rikujtim i vazhdueshëm i dhembjes dhe mizorisë që iu shkaktua popullit tonë.
Me gjithë kalimin e kohës, asnjë nga autorët nuk ka dalë para drejtësisë për këtë krim makabër. Kjo padrejtësi e madhe vazhdon të injoroj thirrjet dëshpëruese të familjeve të të vrarëve dhe mbarë popullit tonë.
Prandaj, sot, ne jo vetëm kujtojmë martirët tanë, por jemi më të vendosur se kurrë për të kërkuar drejtësi. Asnjëherë nuk do të lejojmë që sakrificat e popullit tonë të harrohen dhe të shpërfillen.
Sot dhe përgjithmonë, do të jemi në krahë dhe solidaritet të plotë me familjet tona që kanë humbur më të dashurit e tyre.
Dhembja e juaj është dhembja e jonë.
Lavdi martirëve të Krushës së Madhe. /InLajmi/
