Në nderim të muajit të shenjtë të Ramazanit, kryetari i LDK-së, Lumir Abdixhiku ka shtruar iftar për Myftiun Tërnava dhe bashkëpunëtorët e tij nga Bashkësia Islame e Kosovës, përcjell InLajmi.
Abdixhiku tha se Muaji i durimit, mirësisë, mikëpritjes e solidaritetit, na mëson disa nga vlerat më të shëndosha shoqërore.
Ai theksoi se këto vlera duhet ruajtur dhe kultivuar me shumë përkushtim si bindje shpirtërore dhe virtyte tona.
Abdixhiku u ka uruar agjërim të pranuar dhe të mbarë të gjithë agjëruesve.
Postimi i plotë i tij:
Në nderim të muajit të shenjtë të Ramazanit, sonte shtrova iftar për Myftiun Tërnava dhe bashkëpunëtorët e tij nga Bashkësia Islame e Kosovës.
Muaji i durimit, mirësisë, mikëpritjes e solidaritetit, na mëson disa nga vlerat më të shëndosha shoqërore. Këto vlera duhet t’i ruajmë e kultivojmë me plot përkushtim, si bindje tona shpirtërore, si virtyte tona.
Agjëruesve ju uroj pranim të sakrificës e lutjeve nga Zoti. U shkoftë mbarë dhe pjesa e mbetur e Ramazanit!/InLajmi/
