Kryetar i Aleancës për Ardhmërinë e Kosovës, Ramush Haradinaj thekson se koalicioni parazgjedhor i prirë nga Aleanca është shndërruar në forcë serioze politike, me përkrahje e besim të gjerë si brenda Kosovës e diasporë por edhe te aleatët tanë strategjikë, përcjell InLajmi.
Ai shprehet se diskutuan për zhvillimet në vend dhe për organizimin e brendshëm në parti.
Tutje shton se aleanca e din dhe e ka të qartë rrugën për t’i dhënë kahjen vendit drejt zhvillimit e mirëqenies, drejt integrimeve euro-atlantike, krejt kjo në partneritet të ngushtë me aleatët perëndimorë në krye me SHBA-të.
Postimi i plotë i tij:
Koalicioni parazgjedhor i prirë nga Aleanca është shndërruar në forcë serioze politike, me përkrahje e besim të gjerë si brenda Kosovës e diasporë por edhe te aleatët tanë strategjikë.
Në kuadër të diskutimeve për veprimet konkrete të mobilizimit e të forcimit të koalicionit parazgjedhor, sot zhvilluam takim me degën e Aleancës në Prizren. Bashkë me kryetarin e Degës, Besnik Krasniqi dhe kolegë tjerë i uruam Erkan Shekagjiut mirëseardhje në Aleancë.
Bashkë diskutuam për zhvillimet në vend dhe për organizimin e brendshëm në parti. Theksova se derisa po hyjmë në një etapë të zhvillimeve të reja politike, vet fakti që qeverisja e tanishme këtë vit e mbyll mandatin 4-vjeçar pa ndonjë rezultat pozitiv në qeverisje dhe e zhvlerësuar nga aleatët tanë për shkak të mënyrës se si i qasen proceseve jetike për vendin, e shton nevojën për t’i sjellur vendit ndryshimin e nevojshëm.
Aleanca e din dhe e ka të qartë rrugën për t’i dhënë kahjen vendit drejt zhvillimit e mirëqenies, drejt integrimeve euro-atlantike, krejt kjo në partneritet të ngushtë me aleatët perëndimorë në krye me SHBA-të./InLajmi/
