Deputetja e Partisë Demokratike të Kosovës Blerta Deliu, ka thënë se të enjten do të mbahet seancë e jashtëzakonshme për themelimin e Komisionit Hetimor Parlamentar për kontrata njëburimore.
Ajo tha se duke marr parasysh që ka dëshmi të shumta për korrupsion, themelimin e këtij Komisioni do ta votojë edhe mazhoranca, shkruan EO.
“Jemi marra vesh që më kërkesa e PDK këtë të enjten të kemi një seancë për themelimin e Komisionit Hetimor për kontrata njëburimore. Konsideroj qe do të zbardh parregullsitë që PDK i ka identifikuar. Vetëm ne 7 institucione në 2 vitet e fundit janë përdorur shumë kontrata njëburimore. Kontratat njëburimore kërkojnë trajtim të Komisionit Hetimor parlamentar dhe besoj që edhe mazhoranca do ta votojë pasi ka dëshmi”, ka thënë ajo pas përfundimit të Kryesisë së Kuvendit.
