Golden Eagle Ylli ka shënuar fitore të vlefshme, duke mundur Proton Cable Prizrenin me rezultat 63:96 (16:28, 13:25, 19:22, 15:21), në javën e 27-të të Prince Caffe Superligës.
Ndeshja faktikisht është vendosur në pjesën e parë, ku mysafirët që duan pozitën e dytë në renditje, ishin më të motivuar, duke qenë më të mirë në çerekun e parë dhe të dytë, për të shkuar në pushim me rezultat 29:53.
Në pjesën e dytë therandasit ruajtën epërsinë dhe madje e thelluan për të fituar 63:96.
Isaiah Kelly kishte 17 pikë e 13 kërcime për vendasit, derisa Alonzo Verge Jr 25 pikë, pesë kërcime e 4 asistime, përcjell Klan Kosova.
Proton Cable Prizreni mbetet në vendin e 7 me 7 fitore e 20 humbje, kurse Golden Eagle Ylli barazohet me pikë me Pejën, nga 18 fitore e 9 humbje.
