Presidenti i Serbisë, Aleksandar Vuçiq, ka përkujtuar fillimin e bombardimeve të NATO-s ndaj caqeve ushtarake serbe më 24 shtator të vitit 1999, pas gjenocidit serb në Kosovë.
Vuçiq ka thënë se për 78 ditë ata kanë shkatërruar vendin, shkruan Tanjug.
“Për 78 ditë na shkatërruan vendin. Na vranë fëmijët. Na ndanë territorin. Megjithatë, pavarësisht gjithçkaje, Serbia jeton. E zgjuar. Më e fortë, e guximshme, sfiduese. Dhe mbi të gjitha, e lirë. Liria është më tepër sesa ajri, lirinë s’mund të na marrin kurrë. Do të jetojë Serbie!” ka shkruar Vuçiq.
Sot mbushen 25 vjet nga fillimi i sulmeve ajrore të NATO-s kundër caqeve ushtarake e policore të Serbisë dhe Malit të Zi.
Sulmet kishin filluar në orën 19:45, kur aeroplanët e NATO-s lëshuan bombat e para kundër pozicioneve strategjike të ushtrisë së ish Jugosllavisë, siç quheshin 2 republikat e ish federatës jugosllave, Serbia dhe Mali i Zi, transmeton Tëvë1
Urdhrin për fillimin e fushatës bombarduese e kishte dhënë presidenti i Shteteve të Bashkuara të Amerikës, Bill Clinton.
