SHBA ka akuzuar Apple për monopolizimin e tregut të smartfonëve në një proces gjyqësor të rëndësishëm kundër gjigantit të teknologjisë.
Padia e shumëpritur vjen pas vitesh të tëra akuzash nga kritikët se Apple ka dëmtuar konkurrencën me kushtet, tarifat e larta dhe qasjen e saj ndaj harduerit dhe softuerit të saj.
“Apple e bën teknologjinë e saj të lehtë për t’u përdorur, por ajo e arrin këtë duke kontrolluar dhe në disa raste, duke kufizuar mënyrën se si kompanitë e palëve të 3-ta mund të ndërveprojnë me produktet dhe shërbimet e gjigantit të teknologjisë. Në disa raste, Apple mund t’u japë produkteve të veta akses dhe veçori më të mira se sa konkurrentët e saj”, thuhet në deklaratë.
Kompania ka mohuar të gjitha akuzat, shkruan Alsat.m
Këtë vit, rregulloret europiane detyruan Apple që t’u japë kompanive të tjera akses në çipin e harduerit tap-to-pay të iPhone, duke mundësuar krijimin e portofoleve dixhitale konkurruese. Por këto rregulla janë të kufizuara në Bashkimin Europian.
