“Business Insader” është media e radhës që promovon bukuritë e natyrës në Shqipëri dhe mundësitë që ofron për turistët e huaj. Në shkrim theksohen se turistët duhet të zbulojnë xhevahiret e fshehura të vendit ballkanik dhe bukuritë e mahnitshme të brigjeve detare si dhe trashëgiminë e pasur kulturore.
Sipas Busniness Insader sektori i turizmit në Shqipëri po përjeton një transformim magjepsës. Ndërsa pushimet tradicionale më të njohura mbeten ato në një trend në rritje është eksplorimi i destinacioneve më pak të njohura. Turistët tani po preferojnë të eksplorojnë Alpet Shqiptare, fshatrat simpatikë dhe vendet arkeologjike.
Në të theksohet se fokusi i qeverisë shqiptare vitet e fundit ka qenë në zhvillimin e infrastrukturës për të arritur më lehtë bukuritë natyrore të vendit dhe trashëgiminë e pasur kulturore. Ndërsa vihet theksi te veçantia e qytetit historik të Beratit, një vend i Trashëgimisë Botërore të UNESCO-s dhe në plazhet e pacenuara të Rivierës Shqiptare duke ofruar një ndërthurje unike të historisë, aventurës dhe relaksit për udhëtarët.
Po ashtu edhe prestigjiozja “Financial Times” sugjeron turistët që të udhëtojnë në Shqipërinë e lashtë, shkruan Abcnews.al.
Në artikull theksohet se Shqipëria është i vetmi vend ku mund të gjesh periudha të historisë që nisin nga illirët, otomanët e komunizmi. Në fokus janë edhe qytetet historike si Gjirokastra apo Berati të cilat kanë disa nga rrënojat më të bukura e klasike në Mesdhe.
