Ambasadori i SHBA-së në Kosovë, Jeff Hovenier është takuar me zëvendëskryeministrin e parë të Kosovës, Besnik Bislimi. Ai tha se me Bislimin ka folur për zhvillimet e fundit në dialog.
Diplomati amerikan tha se e respekton rregulloren e BQK-së. Pas takimit, ambasadori Hovenier tha për gazetarë se presin që Kosova të jetë anëtare e plotë e NATO-s.
Ai ka folur edhe për kërcënimin e Vuçiqiti që i bëri ndaj Kosovës ditë më parë. Ambasadori i Shteteve të Bashkuara të Amerikës, Jeff Hovenier, ka thënë se nuk ndihen të shqetësuar dhe as populli i Kosovës nuk duhet të ndihet i shqetësuar nga kërcënimet e presidentit serb, Aleksandër Vuçiq. Ai tha se aleanca më e fortë ushtarake është në Kosovë, shkruan RTK.
“SHBA mbështet popullin e Kosovës dhe FSK-në, si forcë multietnike për mbrojtje territoriale. Kosova përballet me një sfidë me disa anëtarë të NATO-së. Dëshirojmë të shohim të ardhmen e Kosovës në NATO. Presim që Kosova të jetë anëtare e NATO-së”, tha ai.
