Asociacioni i Gazetarëve të Kosovës ka ngushëlluar familjen e gazetarit Arben Rugova i cili vdiq në moshën 52 vjeçare.
“Ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera”.
“Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale”.
AGK-ja, i shpreh ngushëllime familjes, miqve dhe komunitetit”, thuhet në telegramin e ngushëllimit të AGK-së, shkruan KlanKosova
Arben Rugova ka qenë edhe zyrtar i Ministrisë së Punëve të Jashtme.
Varrimi i tij do të bëhet të enjten, në fshatin e vendlindjen Hakaj, komuna Plavë – Mali Zi, në orën 15:00.
