Pas një fillimi shumë të vështirë, Brahim Diaz është duke shkëlqyer me fanellën e gjigantit spanjoll Real Madrid.
Mesfushori i avancuar u rikthye në Santiago Bernabeu pas 3 viteve të kaluara si i huazuar te Milani dhe tani është bërë një titullar i rëndësishëm te Los Blancos.
Tani mesfushori maroken me pasaportë spanjolle ka arritur që në 33 ndeshje zyrtare të realizoi edhe 9 gola dhe të dhuroj 4 asistime me Los Blancos.
E ardhmja e mesfushorit mund të jetë në elitën e futbollit anglez Premier League, pasi 2 gjigantët anglez Liverpool dhe Manchester United janë të interesuara për shërbimet e tij.
Megjithatë, bindja e 24-vjeçarit për t’u larguar nga Madridi nuk do të jetë një detyrë e lehtë, pasi vetë ai ka shprehur dëshirën për të qëndruar te bardhezinjtë dhe për të fituar tituj me ta.
Edhe pse Diaz është i vetëdijshëm për interesimin e këtyre klubeve angleze, besnikëria e tij aktuale është te Real Madrid.
Në rast se Diaz refuzon ofertat nga Liverpool dhe Manchester United, të 2 klubet kanë në mendje alternativa. Liverpool është i interesuar për Jamal Musiala të Bayern Munichut, ndërsa Manchester United synon Michael Olise të Crystal Palace, shkruan Telegrafi.
Megjithatë, e ardhmja e Diaz në tregun e transferimeve të verës mbetet e panjohur pasi 2 gjigantët anglezë vazhdojnë kërkimin e tyre për përforcime për të forcuar skuadrat e tyre përkatëse.
