Një person ka vdekur dhe një tjetër është lënduar si pasojë e një aksidenti që ka ndodhur mbrëmë në fshatin Skivjan të Gjakovës.
Kështu ka bërë të ditur për teve1.info, zëdhënësi i Policisë së Kosovës për rajonin e Gjakovës, Sheremet Elezaj, i cili tha se personi i lënduar është duke marrë tretman mjekësor në QKUK.
Elezaj ka njoftuar se në aksidentin me fatalitet ishin të përfshira 2 vetura.
Ai tha se me rastin janë duke u marrë njësitë relevante të policisë.
“Mbrëmë rreth orës 23:00 kemi pranuar informatë për aksident trafiku në fshatin Skivjan-Gjakovë. Policia ka dalë në vendin e ngjarjes ku të përfshirë në aksident kanë qenë dy automjet udhëtarësh. Për pasojë lëndime trupore kanë pësuar 2 persona të cilët janë dërguar në QKUK për trajtim mjekësor. Më vonë jemi njoftuar se njëri prej tyre ka ndërruar jetë. Lidhur me rastin është njoftuar prokurori i shtetit, ndërsa rasti është duke u trajtuar nga Njësia Rajonale e Komunikacionit Rrugor”, tha ai.
