Presidentja e Kosovës, Vjosa Osmani gjatë vizitës që i ka bërë Komunës së Lipjanit ka vazhduar vizitat që nëpër komuna. Me këtë rast, Osmani tha se nga puna e kryetarit Imri Ahmeti, lipjanasit kanë me çka krenohen.
Komunën e Lipjanit, Osmani e konsideron si ndër komunat që ka ofruar mundësi të jashtëzakonshme për bizneset, shkruan EO.
“Ne sot me Lipjanin po i vazhdojmë vizitat nëpër komuna. Ahmeti është një prej kryetarëve që njihemi më se 20 vite. Nga puna e tij e deritanishme, qytetarët e Lipjanit jam e bindur që kanë me çka të krenohen. Është komunë që ka ofruar një mundësi të jashtëzakonshme për bizneset, janë mbi 2.000 biznese që operojnë këtu. Biseduam edhe për investitorët e jashtëm”, tha Osmani.
