Sekretari amerikan i Shtetit, Antony Blinken, ka thënë se dialogu i ndërmjetësuar nga Bashkimi Evropian është mekanizmi i vetëm i mundshëm për përmirësimin e marrëdhënieve mes Kosovës dhe Serbisë.
Blikeni pas takimit me kancelarin austriak, Alexander Schallenberg në Vjenë, ka thënë se “qasja qëllim mirë dhe konstruktive nga Kosova dhe Sërbia duhet të arrihet me qëllim që të stabilizohen marrëdhëniet”.
Ai ka shtuar se të 2-ja palët duhet të punojnë për të ulur tensionet, të përmirësojnë bashkëpunimin me partnerët ndërkombëtar dhe të rritin transparencën.
“2 palët duhet të implementojnë angazhimet nga dialogu”, ka thënë Sekretari amerikan i Shtetit.
Duke folur për situatën në Ballkanin Perëndimor, Blinkeni ka theksuar se SHBA-ja është duke bashkëpunuar me Austrinë në lidhje me këtë. Ai ka shtuar se askush nuk ka nevojë të kthehet në të kaluarën, transmeton Reporteri
Ndërkaq, kancelari austriak, duke komentuar situatën në Ballkanin Perëndimor, ka thënë në kohën kur “zjarri po shpërthen në Evropë” është e nevojshme që të sigurohet se rajoni është i sigurt.
