Astronomët kanë parë një planet të largët që mund të mbulohet nga oqeane të thella, raportoi The Guardian.
Vëzhgimet, të bëra nga teleskopi hapësinor James Webb, zbuluan avujt e ujit dhe një “nënshkrim” kimik të metanit dhe dioksidit të karbonit në atmosferën e ekzoplanetit, i cili është 2 herë më i madh se Toka dhe ndodhet rreth 70 vite dritë larg.
Kjo përzierje kimike është në përputhje me një botë ujore ku një oqean do të mbulonte të gjithë sipërfaqen dhe një atmosferë të pasur me hidrogjen, sipas studiuesve në Universitetin e Kembrixhit.
“Oqeani mund të jetë 100 gradë ose më shumë. Në presion të lartë atmosferik, një oqean kaq i nxehtë mund të jetë i lëngshëm, por nuk dihet nëse mund të banohet nga organizma të gjallë”, tha profesori Niku Madhusudan, i cili ishte përgjegjës për këtë hulumtim.
Ky përfundim u botua në revistën “Astronomy and astrophysics Lets”, por u kundërshtua nga ekipi kanadez, i cili bëri vëzhgime shtesë të të njëjtit ekzoplanet, i njohur si “TOI-270d”, shkruan Alsat.m.
Ata zbuluan se të njëjtat kimikate atmosferike janë të pranishme, por dyshojnë se planeti është shumë i nxehtë për ujë të lëngshëm, duke thënë se temperatura është rreth 4.000 gradë.
