1906 – Fatkeqësia e minierës Courrieres, më e keqja e ndodhur ndonjëherë në Evropë, vret 1100 minatorë në Francën veriore. Një shpërthim i thëngjillit, shkaku i të cilit nuk dihet me siguri, shkatërroi minierën e qymyrit të operuar nga Compagnie des mines de houille de Courrieres. Pothuajse të gjithë minatorët që u vranë, ishin banorë të zonave rurale përreth. Kjo katastrofë u tejkalua vetëm nga aksidenti Benxihu Colliery në Kinë në 1942, i cili vrau 1550 minatorë.
1916 – Përfundon Korrespondenca e McMahon-Huseinit midis Husein bin Aliut, Sharifit të Mekës dhe zyrtarit britanik Henry McMahon në lidhje me revoltën arabe kundër Perandorisë Osmane. Korrespondenca e McMahon-Huseinit është një seri letrash që u shkëmbyen gjatë Luftës së Parë Botërore në të cilën qeveria e Mbretërisë së Bashkuar ra dakord të njohë pavarësinë arabe pas luftës në kundër Perandorisë Osmane.
1940 – Vdes në Moskë, në moshën 48 vjeçare, Mikhail Bulgakov. Bulgakov, ishte një shkrimtar rus, mjek, dhe dramaturg aktiv në gjysmën e parë të shekullit të 20-të. Ai është më i njohur për romanin e tij Mjeshtri dhe Margarita, i botuar pas vdekjes, i cili është quajtur një nga kryeveprat e shekullit të 20-të. Për nder të tij më pas, figura e Bulgakovit, do të përkujtohej nëpërmjet filmave dhe veprave.
1949 – Mildred Gillars, dënohet për tradhti. Mildred Elizabeth Gillars me nofkën “Axis Sally” së bashku me Rita Zucca, ishte një transmetuese amerikan e punësuar nga Gjermania naziste për të shpërndarë propagandë kundër aleatëve gjatë Luftës së Dytë Botërore. Pas kapjes së saj në Berlin pas luftës, ajo u bë gruaja e parë që u dënua për tradhti kundër Shteteve të Bashkuara të Amerikës.
1952 – Fulgencio Batista drejton një grusht shteti të suksesshëm në Kubë dhe emëron veten si “presidenti i përkohshëm”. Vetë grusht shteti ishte pa gjak, por tërhoqi vëmendjen dhe shqetësimin e shumicës së popullsisë. Batista rrëzoi Presidentin Carlos Prío Socarrás, anuloi zgjedhjet dhe mori kontrollin e qeverisë si “President i Përkohshëm”. Ai do të rrëzohej nga pushteti 7 vjet më vonë nga komunistët e Fidel Kastros.
1958 – Lind në Meadville, Sharon Stone. Stone, është një aktore amerikane, producente dhe ish-modele. Ajo është fituese e një çmimi Primetime Emmy dhe një Golden Globe Award, si dhe ka marrë nominime për një çmim Akademie dhe dy Guild Aëards të Aktorëve të Ekranit. Disa nga filmat e saj janë, Basic Instict, The Specialist, Casino, Catwoman, Ëhat About Love. Ajo konsiderohet si një prej ikonave më të famshme të Hollyëood-it.
1969 – Në Memfis, Tenesi, James Earl Ray deklarohet fajtor për vrasjen e Martin Luther King, Jr. Ray u dënua në ditëlindjen e tij të 41-të pasi hyri në një kërkesë faji për të hequr dorë nga një gjykim i jurisë dhe më pas u dënua me 99 burgim vjet për vrasjen e King. Earl Ray, do të vdiste në burg në vitin 1998, kur kishte bërë plot 30 vjet nga dënimi i tij me burgim të përjetshëm.
1977 – Astronomët zbulojnë unazat e Uranit. Unazat e Uranit janë një sistem unazash rreth planetit Uranus, të ndërlikuar ndërmjet kompleksit midis grupit më të gjerë rreth Saturnit dhe sistemeve më të thjeshta rreth Jupiterit dhe Neptunit. Unazat e Uranit u zbuluan në 10 Mars 1977, nga James L. Elliot, Edward W. Dunham dhe Jessica Mink. Ky u konsiderua si një nga zbulimet më të mëdha të astronomisë.
2003– Ndërron jetë Profesor Abas Ermenji, arsimtar, veprimtar i Ballit kombtar dhe publicist shqiptar. Ai kishte qëndrime social demokrate dhe gjatë jetës së tij kundërshtoi monarkinë, fashizmin, komunizmin dhe çdo formë të totalitarizmit Pas fitores së revolucionit komunist në Shqipëri, detyrohet të largohet nga atdheu dhe të marrë rrugën e gjatë të mërgimit. Vendoset në Paris ku drejton Komitetin Kombëtar Demokrat “Shqipëria e Lirë”, i cili ka lozur një rol të madh në përpjekjet për një Shqipëri të lirë nga regjimi komunist si dhe për çlirimin e Kosovës nga shtypja dhe tirania e Serbisë. Ermenji ka qenë një mbrojtës i flaktë i çështjes dhe kombësisë shqiptare, me artikuj të shumtë, të botuar tek “Flamuri”, tek “Balli i Kombit”, tek përmbledhja “Albania” etj. Por kryevepra e tij është studimi “Vendi që zë Skënderbeu në Historinë e Shqipërisë” – një apologji madhështore e kombësisë shqiptare.
